Б.Гантогтох гарьдын охин Г.Хандсүрэн мэргэжлийн тамирчин боллоо

04/01/2021 Нийтлэгч: 2128

Монголын волейбол сонирхогчдод таатай мэдээ дуулдлаа. Японы оюутны лигт тоглож байсан Гантогтохын Хандсүрэн өнөөдөр буюу дөрөвдүгээр сарын 1-нээс Японы волейболын мэргэжлийн лиг болох V лигт данстай болжээ.

Хөдөлмөрийн баатар, үндэсний бөхийн дархан аварга Х.Баянмөнхийн ач, улсын гарьд Б.Гантогтохын охин Г.Хандсүрэн Японы хоёрдугаар дивизионы “Брийт Хамамацү” багтай гэрээ байгуулжээ.

Тун удахгүй 24 нас хүрэх Г.Хандсүрэн волейболоор хичээллээд найман жил болж буй нэгэн. Тэрбээр “Тэнүүн-Огоо” клуб болон 2015 оноос Азийн АШТ-ий бүрэлдэхүүнд багтсанаар Монголын шигшээ багт данстай болсон билээ.

Тэрбээр Японд амьдрахын хажуугаар тус улсын Оюутны нэгдүгээр лигт тоглоод багагүй хугацаа үдсэн. Хандаа Эбера ахлах сургуульд суралцаж төгсөөд Японы спортын шинжлэх ухааны их сургуульд суралцсан юм.

Шинэ багтаа “5” дугаартай тоглох монгол бүсгүй 181 см өндөртэй, 76 кг жинтэй аж.

“Брийт Хамамацү” клуб 2012 онд байгуулагдсан бөгөөд 2016-17 онд дараалан хоёрдугаар лигтээ дэд байр эзэлж байжээ. Харин энэ улиралд найм хожиж, дөрвөн удаа ялагдсан үзүүлэлтээр хоёрдугаар дивизиондоо дөрөвдүгээр байрт жагсаж байгаа аж.

Сүүлд нэмэгдсэн

Их мастерын ээлжит түрүү

1969 оны улсын аварга, даамын спортын ууган мастеруудын нэг Ц.Сандууз агсны нэрэмжит “Зүтгүүрийн депо 2022” өндөр зэрэгтэй даамчдын уламжлалт тэмцээн… Дэлгэрэнгүй …

Дэлхийн аварга В.Щёголев таалал төгсөв

Дэлхийн хошой аварга (1960, 1964), Олон улсын их мастер Вячеслав Щёголев 81 насандаа таалал төгслөө. Байрлалын тоглолтын мастер, орчин үеийн… Дэлгэрэнгүй …

Спортын мастер Ц.Сандууз агсны нэрэмжит Зүтгүүрийн депогийн 41 дэх удаагийн тэмцээний удирдамж

Нэг. Нийтлэг зүйл Тэмцээний зорилго нь уламжлалт тэмцээнийг үргэлжлүүлэн зохион байгуулах, өсвөр, залуучуудын ДАШТ-д оролцох тамирчдын бэлтгэлжилтийг хангах, даамын спортын… Дэлгэрэнгүй …

Сонирхогчдын лигийн 6 дахь цуврал тэмцээн боллоо

Өнгөрөгч ням гариг буюу 2022 оны аравдугаар сарын 9-нд Сонирхогчдын лигийн 6 дахь цуврал тэмцээн Хан-Уул дүүргийн Соёлын ордонд болж… Дэлгэрэнгүй …

А.Оюун багшийн нэрэмжит тэмцээн болов

Даамын спортын дэд мастер, Боловсролын тэргүүний ажилтан Авламын Оюуны нэрэмжит Өвөрхангай аймгийн аварга шалгаруулах 100 буудалт даамын тэмцээн 2022 оны… Дэлгэрэнгүй …